उडान

Jo lehron se aage nazar dekh paati toh tum jaan lete main kya sochta hoon,

Wo aawaz tumko bhi jo bhed jaati toh tum jaan lete main kya sochta hoon.

Zid ka tumhare jo parda sarakta toh khidkiyon se aage bhi tum dekh paate,

Aankhon se aadaton ki jo palken hatate toh tum jaan lete main kya sochta hoon.

Meri tarah khud par hota zara bharosa toh kuchh door tum bhi saath-saath aate,

Rang meri aankhon ka baantate zara sa toh kuchh door tum bhi saath-saath aate,

Nasha aasmaan ka jo choomta tumhe bhi, hasraten tumhari naya janm paatin,

Khud doosre janam mein meri udaan chhoone kuchh door tum bhi saath-saath aate.

Kuch door jo saath saath chalti toh tum jaan lete main kya sochta hoon.

(poem taken from the movie उड़ान )